<$BlogRSDURL$>

föstudagur, febrúar 27, 2004

Hæ hæ!!
Ég er að horfa á idol, það byrjaði bara vel hjá einhverri stelpu.. Jájá árshátíðin er næstu helgi og opnu dagarnir byrja á miðvikudaginn þá er engin kennsla í skólanum, ég ætla að keppa á úrtökunni fyrir framhaldsskólamótinu og fara í fear-factor og kajaka kennslu í sundlauginni, ég held að það verði bara gaman... ;) Miðannaprófum líkur á miðvikudaginn ég held að það verði allir ofsa fegnir að losna við þau. En jæja ég ætla að halda áfram að horfa á idol..
Bæ bæ

|

fimmtudagur, febrúar 26, 2004

Jæja!
Ég er búin í þremur miðannaprófum og á eftir tvö.
Ég er búin í sögu 203 það gekk bara nokkuð vel! Ég er líka búin í Ensku 403 það gekk líka vel, en ég er nú ekki viss hvernig gekk í íslenskunni og ef þið viljið vita afhverju þá mæli ég með að þið kíkið bara á síðunna hennar Guddu við erum nebbla saman í íslensku 403. Núna sitjum við Gudda hérna inni á bókasafni í skólanum og erum að vinna verkefni um passíusálmana, ofsa gaman ;)

En ég er að fara að keppa á fjórgangsmóti á Blönduósi núna um helgina ég ætla að keppa á Túlk sem er 5 að verða 6.vetra, það verður bara gaman!!! Hann er svo mikil dúlla. Svo er slaktaumatölt og það getur vel verið að ég keppi í því líka....

Túlkur!


En jæja ég verð víst að halda áfram að vinna í passíusálmunum,
á morgunn segir sá, segir sá.. sá lati já!!!

|

laugardagur, febrúar 21, 2004

Kanínukvöld!
Í gær, var ball á sportbarnum á króknum. Ég er búin að fá að heyra slúðrið bæði frá Hrund og Völu.. Hrund var reyndar ekki á ballinu heldur heima hjá sér, aldrei þessu vant ;) En þannig var nú það að þetta var bara þvílíkt kanínukvöld, allir að kyssa alla. T.d Oddný og Davíð, Magga og Maggi, Valli og einhver stelpa upp á húddi á bíl (humm), Óli Bjarni og Ólína (rauðskaufa) Elínborg og Óskar og Dana og Gummi í Varmahlíð.. þetta var bara kanínukvöld annarinnar held ég þannig að slúðurdálkurinn í Ómen verður fullur þessa vikuna það er alveg áreiðanlegt. Jamm að sögn Völu þá var þetta bara gott ball, hljómsveitin Von var að spila og Villikettirnir (Magnús á Ásgeirsá og co) að hita upp og ef þið viljið sá myndir af þessu balli þá getið þið farið hér

|

föstudagur, febrúar 20, 2004

Í fréttum er þetta helst!

Ég fór á hestbak í morgunn, og ég Helga, og Guðrún fórum í reiðhöllina svo kom Jói vakri og við vorum bara eitthvað að þjálfa þarna inni og svo var ég á stökki og allt í einu kom Jói á móti mér líka á stökki og bara PUFF.. klessti á mig og Fleyg, Fleygur datt með mig og beint ofan á löppina á mér. Það er nú ekki gott því að ég er að drepast í beininu framan á kálfanum... En hestarnir slösuðust ekkert það var nú gott.

En svo er það annað hún Hrund er alltaf að kvarta yfir því að ég skrifi aldrei neitt um hana sem er ekki satt. En ég get nú aldeilis komið inn sögum af henni, sko um daginn þá var hún í svo fúlu skapi og henni langaði svo að fara að grenja að hún bað okkur Sigga í alvörunni að segja sér eitthvað sorglegt svo hún gæti farið að grenja hehe.. pæliði í því. ;) Klikkuð eða hvað..

Nú er verið að fara að gera vistarbók á vistinni það er búið að safna öllum íbúum vistarinnar saman og búið að taka myndir af hverjum og einum og teiknað skopmynd af okkur. Svo erum við látin fylla út blað með upplýsingum um okkur. Ekki veit ég nú hvenær þessi bók verður til, en það verður fróðlegt að lesa hana.

Hamsturinn Oprah er dáin, kallað var á dýralækni til að svæfa hana, blessuð sé minnig hennar...
Þeir sem vilja minnast hennar geta horft á hamstra-atriðin sem verða sýnd síðar...

Hérna er farið að snjóa og hitastigið er um -1,6 stig. Vonandi kemur annaðhvort frekar mikill snjór svo hægt sé að fara á snjósleða eða sleppa honum bara alveg. Leiðinegt að hafa snjó og hláku til skiptis.





|

miðvikudagur, febrúar 18, 2004

Hæ hæ í dag er miðvikudagur!
Ég er að fara í fyrsta miðannaprófið á morgunn í sögu 203!!!
Ég fór í jór í morgunn og það gekk bara glimrandi vel..
Ég er búin að vera að læra í allt kvöld, í sögu og svo kom ég inn til Guddu og Tomma áðan og hamsturinn er veikur, hún er með einhverja sýkingu, það er ekki gott! Greyið Oprah. Það er ekki gaman að eiga veikan hamstur.
En svona er lífið

|

þriðjudagur, febrúar 17, 2004

Jæja krakkar!
Ég fór í hesthúsið í gær, byrjaði á því að fara á Ámu og Kolli fór á brúnskjótta hestinn sem hann er að temja. Það byrjaði þannig að Kolli ætlaði að fara á bak á hann, var búinn að binda hann við gerðið en þegar hann var hálfur kominn á bak, þá sleit hesturinn sig lausan og byrjaði að hrekkja, en Kolli náði honum nú aftur og fór á bak og við fórum af stað í reiðtúr. Svo þegar við vorum að fara framhjá reiðhöllinni, þar var risastór pollur og snjóskafl við hliðina á honum, hesturinn hans Kolla hleypur upp í skaflinn og hrekkur við, byrjar að hrekkja og hendir Kolla af beint út í pollinn, Kolli situr eftir í pollinum og hesturinn hleypur í átt að hesthúsunum, Áma hljóp með mig á eftir honum en ég náði nú að stoppa hana. Hesturinn hljóp alla leið í hesthúsið og þar gerði Kolli aðra tilraun til að fara á hann en vitir menn hesturinn hrekkjaði hann aftur. og Kolli var orðinn rauður af reiði! Örlög þessa hests eru nú ráðin og ég skal segja ykkur það að þau lofa ekki góðu fyrir hestinn. Þannig var nú það, en stór frétt ég fór síðan ein í reiðtúr á Ámu og kom henni sjálf þetta var stór áfangi.. (",) Svo fór ég á bak á Fleyg, með Guddu og Spóa og Kolla og Draum, það var bara ágætt. Einhver æsingur gerði vart við sig og spói og Fleygur tóku smá æðiskast, en það var samt meinlaust, leiðindar rok og svona!! En jæja ég verð að fara að drífa mig í íslensku
hittumst heil.


|

miðvikudagur, febrúar 11, 2004

Hæ hæ!!!
Í dag er miðvikudagur og nú standa yfir æfingar fyrir söngvakeppni FNV. Þetta verður gríðarleg söngvakeppni, ég er þegar búin að heyra í nokkrum æfa sig... og eru þetta alveg mega góðir söngvarar. Og hlakka ég til að heyra í þeim í kvöld! Miðaverð er 500kr. fyrir þá sem eru í nemendafélaginu og 800kr. fyrir hina. Vonandi koma sem flestir.. Jæja ég verð víst að fara að drífa mig í stærðfræði.
Hittumst heil


|

mánudagur, febrúar 09, 2004

Það var þorrablót um síðustu helgi, alveg magnað blót! Hljómsveitin Íslands eina von var að spila, og stóð hún sig með stakri prýði. Það voru bara allir í góðu skapi og maturinn var alveg ágætur. En hérna er ein mynd síðan á þorrablótinu af sex húnverskum stúlkum.



Fleiri myndir má sjá á síðunni hennar Kollu

|
Hæ hæ
Ég er alveg orðin óð í að setja myndir inn á heimasíðuna mína, svona fyrst að ég get það.. Þetta er mynd af Indíána og Snót. Indíáni er undan Eið frá Oddhóli..


|

laugardagur, febrúar 07, 2004

Nokkrar jólamyndir!!






Fjölskyldan voða fín á jólunum 2003

|
Hæ hæ!!
Jæja, þetta er ekki nógu gott, það er bandbrjálað veður og þorrablótinu á Laugabakka hefur verið frestað um einn dag, þannig að bæði þorrablótin eiga að vera í kvöld. Raggi greyið ætlaði að koma heim í gær, komst út í Borganes en þurfti að snúa við og keyra til Reykjavíkur. Og vonandi kemst hann heim í dag. Í gær, fórum við út á Hvammstanga í góðu veðri en svo allt í einu kom bara hríð á meðan við vorum að versla, svo við vorum 40.mín á leiðinni heim í staðin fyrir 5.mín festumst á afleggjaranum heima, endaði með því að við þurftum að hlaupa upp brekkuna heima. En jæja ég ætla að fara núna.. tata ;)

|

föstudagur, febrúar 06, 2004

Góðan dag!
Jæja, núna erum við Gudda að fara niður í hesthús og þegar við erum búnar að fara á bak, þá liggur leiðin heim.. Því við erum að fara á þorrablót um helgina og það verður SVO gaman. Ég verð driver-inn að þessu sinni, sem mér finnst bara gaman (",) Og þá fær Eydís að sleppa við það. En allavega ég verð að segja ykkur hvað við Anna Hlín gerðum í gær, sko við fórum fyrst niður í íþróttahús og tókum æfingu og svo fórum við heim til Kolla í Fagranes og fengum að fara á snjósleða, ohhh það var GEGGJAÐ gaman.. Svo fórum við í kaffi í Fagranesi og skoðuðum myndir m.a af hestinum hans Brynjólfs og Drangey.. Takk Kolli ;) En núna verð ég að fara að drífa mig niður í hesthús.
Hittumst heil (",)

|

fimmtudagur, febrúar 05, 2004

Nú koma nokkrar myndir síðan á ísmótinu sem var síðastliðna helgi!


Ég og Æra frá Grafarkoti


Mamma og Aría frá Grafarkoti


Eydís og Hiti frá Grafarkoti




|
Jæja gott gólk!
Við Anna ætlum að segja ykkur frá mussuvinafundinum sem var haldinn í gærkveldi heima hjá Lindu.
Mussurnar mættu þar klukkan átta og þar var borinn fram matur af ýmsum stærðum og gerðum. Svo var sett spóla í tækið og af þessu sinni var það "Dalalíf" sem var fyrir valinu. Svo færðist hiti í leikinn og ákveðið var að horfa á aðra mynd. Leikararnir í henni ættu heiður skilinn fyrir "góðan" leik og tjáningu í hlutverkum sínum. Ein af aðalleikurunum var stúlka sem var nemandi við FNV fyrir ekki svo löngu síðan. Hún fór alveg einkar vel með hlutverkið sitt og tókst að leika án þess að hreyfa varirnar eða sýna nokkur svipbrigði. Þessi snilldarmynd heitir því ágæta nafni "Leyndardómar skýrslumálastofnunar". Og mælum við eindregið með henni, fyrir þá sem hafa ekkert að gera. Hittumst heil ;)

|

miðvikudagur, febrúar 04, 2004

Jæja þá er kominn miðvikudagur.
Ég fór á hestbak í morgunn, á Fleyg aðeins inn í reiðhöll og svo lét ég Loga fara á Fleyg og teyma mig á Ámu, því hún er ekki ennþá komin yfir þvermóðskuna!! En það gekk bara ágætlega þegar ég var komin af stað.
En núna er að koma söngvakeppni hjá FNV, úrtaka fyrir söngvakeppni frammhaldsskólana. Logi er búinn að semja bæði lag og texta fyrir Hrund að syngja og lagið heitir Prinsinn á hvíta hestinum. Og það er ofsa flott hjá þeim. Svo ætlar Gudda að syngja líka, lag með Metalica og er textinn eftir Tomma og Loga. Hlakka til að heyra í þeim stöllum og óska ég þeim góðs gengis.

|

þriðjudagur, febrúar 03, 2004


|

Hérna er mynd af djásninu mínu henni Ásjónu.

|
Smá slúður!!
Við vorum í þýsku áðan og það var bara ekki vinnufriður, því að hann Gosi (Heiðar) og kærastan hans hún Dóra sem voru á starfsbrautinni í fyrra voru að rífast hérna á miðri skagfirðingabraut, þetta var svakalegt ástand sko! Hann var blindfullur og var alltaf að hrista hana og skalla hana og eitthvað, en hún var alltaf að hlaupa í burtu en hann stoppaði hana alltaf, Ingvar hljóp út og talaði við Helgu á skrifstofunni, löggan koma og stoppaði vitleysuna, kom og tók Gosa og fór með hann til yfirheyrslu. Ekki er vitað hvað varð um hana. Síðast sást hún ganga skagfirðingabrautina, líklegast hefur löggan sótt hana líka!!
Frekari fréttir af þessu síðar...

|
Góðan dag!
Ég fór á hestbak í gær, fyrst fórum við Kolli í reiðtúr, ég fór á Fleyg. Hann var góður.
Svo fórum við Guðrún saman, Guðrún fór á Spóa og ég fór á Ámu. Þið getið rétt ímyndað ykkur hvernig það gekk.. Nei nei það var aðeins skárra en síðast. Hún fór alveg sjálf fyrstu 200m En svo fór hún að stoppa og prjóna pínulítið, þannig að Guðrún þurfti að teyma mig.. Takk Guðrún ;) En eftir að við vorum komin yfir þessa erfiðleika í byrjun þá komumst við áfram. Þetta er allt að koma (vonandi)


svo þegar við vorum komnar heim úr reiðtúrnum, hljóp ég uppí reiðhöll á æfingu. Þetta var bara fín æfing sem endaði með hlaupaæfingum upp í íþróttahúsi.
Eftir það fórum við Gudda í langþráðan ljósatíma!!!

|

mánudagur, febrúar 02, 2004

Halló halló
Haldiði að mín sé ekki komin með blogg síðu hverjum hefði grunað það!!!
Það er annars bara allt gott að frétta. Um helgina var ísmót á hestavellinum uppí Hvammi. Við fórum að keppa ég, mamma, Eydís og Nína. Við mamma kepptum í opnum flokki og Eydís og Nína í áhugamannaflokki og það gekk líka svona glimrandi vel. Eydís var á Hita 6v. og Nína á Kotru 5v. Þeim gekk bara nokkuð vel miðað við það að hestarnir voru að stíga sín fyrstu skref á keppnisvellinum. Mamma keppti á Aríu 8v. og varð í 2 sæti og ég keppti á Æru 7v. og varð í 4 sæti.
Þetta var bara skemmtilegt mót og gaman að nota ísinn sem er á brautinni. Vonandi verður svona mót aftur bráðlega. (",)

Í dag er mánudagur og ég er komin á krókinn. Ég er í stærðfræði núna en strax eftir tíma ætlum við Guðrún að fara upp í hesthús og fara á bak á hrossin okkar. Ég ætla að gera heiðarlega tilraun til að fara á hryssuna mína hana Ámu og athuga hvort hún vilji ekki gera eitthvað fyrir mig í dag þessi elska. Svo ætla ég að fara á Fleyg á eftir, vonandi verður hann góður.

En jæja ég verð að fara núna hittumst heil (",)

|

This page is powered by Blogger. Isn't yours?